ABŞ-da silahsız zənci gənc Maykl Brounun polis tərəfindən öldürülməsi ölkəni bir-birinə qatıb.

Axar.az xəbər verir ki, artıq nümayişlərin keçirildiyi şəhərlərin sayı 170-i ötüb. Məhkəmənin zənci gənci öldürən polisə bəraət qazandırması son iki gündə ixtişaşları bir qədər də artırıb. Hadisələrin episentri olan Ferqusonda da gərginlik səngimək bilmir. ABŞ Prezidenti Barak Obamanın çıxışı da nümayişlərin yatırılmasına təsir etməyib.

Birləşmiş Millətlər Təşkilatının (BMT) İnsan Haqları üzrə Ali Komissarı Zeyd Raad Əl Hüseyn baş verən hadisələri pisləyərək Ağ Evi ayrı-seçkilik siyasətinə son qoymağa çağırıb.

Rusiya Xarici İşlər Nazirliyi də hadisəni səssizliklə qarşılamayıb. Nazirliyin İnsan Hüquqları üzrə nümayəndəsi Konstantin Dolqov hadisələrin ABŞ siyasətinin təzahürü olduğunu deyib.