Xalq qoşunu dəstələri Nusra yaraqlılarının Hələbdən qərbə doğru Zəhra və Mayer şəhərləri arasında növbəti irəliləyiş cəhdini pozub.

Trend Livanın "Əl-Mayadin" telekanalının istinadla xəbər verir ki, islamçılar Zəhra şəhərinin şimal-şərqində yeni cəbhə xəttinin açılmasına və şəhərin ələ keçirilməsinə çalışıblar. Eyni zamanda, yaraqlıların digər qrupları şəhərə cənub və cənub-şərq istiqamətlərdən hücum ediblər. Xalq qoşunu dəstələri islamçıların bütün hücumlarını dəf edə biliblər.

Döyüş zamanı Nusranın özbək batalyonunun səhra komandiri Əbu Xəttab əl-Özbəki öldürülüb.

Zəhra şəhəri Hələb şəhərindən 30 kilometr qərbdə yerləşir və orada əsasən şiələr məskunlaşıb. Cebhat ən-Nusra dəstəsinin 800 islamçısı təxminən bir həftədir ki, şəhəri ələ keçirməyə çalışırlar.