Bu ilin adamı İŞİD lideri Əbubəkr Bağdadi elan edilib.

Axar.az xəbər verir ki, qalmaqallı hadisələr, kataklizmlərlə yadda qalan bu təqvimdə ən çox müzakirə predmeti Bağdadi olub.

Artıq CNN telekanalının Dubayda yayımlanan proqramında da namizədlər arasında terror təşkilatının rəhbəri üstün gəlib. Suriya və İraq şəhərlərini işğal, "İslam xilafəti" yaratdığını elan edən Bağdadi bir nömrəli şəxsə çevrilib.

Hətta sələfi Usəma bin Ladeni belə geridə qoyub.

İŞİD terror qruplaşmasının lideri Şərqin iki nəhəng ölkəsində öz dövlətini yaratmaq iddiasındadır. ABŞ Prezidenti Barak Obama da bu təşkilatla mübarizənin çətinliyini vurğulamışdı. Çünki onlar əvvəlki terrorçulardan radikallığına görə fərqlənir. Hazırda "İslam dövləti" Suriyanın Rakka şəhərini paytaxt elan edib, Mosul isə onların ələ keçirdiyi ikinci böyük şəhərdir.