İsrail dövləti Aya avtomatik stansiya göndərilməsi üçün ikinci cəhddə də iştirak edəcək.

Axar.az xəbər verir ki, bu barədə İsrailin Baş naziri Benyamin Netanyahu danışıb.

“Biz Bereşit-2-ni buraxmağa hazırlaşırıq. İsrail dövləti ilk kosmik aparatın buraxılışında iştirak edib və ikincidə də iştirak edəcək. Ümid edirəm, bu dəfə hər şey uğurlu olacaq”.

Qeyd edək ki, İsrailin Aya göndərdiyi ilk avtomatik stansiya sayılan “Bereşit” 6.5 milyon kilometr məsafə qət edərək Ay orbitinə daxil olub. Bununla İsrail Ayın orbitinə aparat göndərən 7 ölkədən biri olub. Lakin mühərriklərdən birində yaranan problemə görə "Bereşit"in Aya enişi uğursuz alınıb. Beləliklə, İsrail Ay səthinə enən 4-cü ölkə olmaq arzusunu təxirə salmalı olub.