Suriya Türkman Məclisi (STM) Fransa Prezidenti Emmanuel Makronun PYD-nin nəzarətində olan Suriya Demokratik Qüvvələrinin (SDQ) nümayəndələrini qəbul etməsini qınayıb.

Axar.az xəbər verir ki, bu barədə STM yazılı açıqlama yayıb.

“Makronun SDQ-yə bağlı heyəti qəbul etməsi bir daha ABŞ, İsrail və Fransanın liderliyindəki Qərbin PYD/YPG/SDQ terror təşkilatının beynəlxalq arenada dəstəkçisi olduğunu göstərdi. Makronun terror təşkilatına dəstək verməsini şiddətlə qınayırıq”, - açıqlamada qeyd edilib.

Qeyd edək ki, bundan əvvəl Yelisey sarayından verilən açıqlamada Fransa Prezidenti Emmanuel Makronun PYD-nin nəzarətində olan Suriya Demokratik Qüvvələrinin (SDQ) nümayəndələrini qəbul etdiyi bildirilmişdi.