Fransanın Müdafiə naziri Jan-İv Le Drian Rusiyanın sifariş etdiyi "Mistral" döyüş gəmilərinin təhvil veriləcəyini açıqlayıb.

Axar.az xəbər verir ki, hazırkı siyasi vəziyyətin buna imkan vermədiyini deyən nazir yaxın zamanlarda Rusiyanın atdığı addımlarda dəyişiklik olarsa, gəmilərin təhvil veriləcəyini istisna etməyib:

"Hazırda bu barədə danışıqlar gedir. "Mistral" problemi uyğun siyasi vəziyyətin gedişindən asılı olaraq öz həllini tapacaq. Biz bu gəmiləri vermək istəyirik. Lakin Ukraynada vəziyyət sabitləşməlidir".

Nazir həmçinin hazırda gəmilərdə işin dayandırıldığını da açıqlayıb.

Xatırladaq ki, Fransa Ukraynadakı hadisələrinə görə Rusiyanın sifarişi ilə hazırladığı iki ədəd "Mistral" təyyarədaşıyan gəmilərinin təhvil verilməsini təxirə salıb.

199 metr uzunluğu, 32 metr eni olan və 450 şəxsi heyətin xidmət edəcəyi gəmi 16 vertolyot, 4 xilasedici qayıq və 70 artilleriya qurğusu daşıya bilir. 1,6 milyard avro qiyməti olan gəmi 2015-ci ilin sonunda Rusiyaya təhvil verilməli idi.