Ana səhifə Planet |
İraq, İran və Suriyanın hökumət səlahiyyətliləri Tehran görüşündə İŞİD-ə qarşı birgə mübarizə aparmaq barədə razılığa gəlib.
Axar.az xəbər verir ki, İran Xarici İşlər naziri Məhəmməd Cavad Şərif verdiyi açıqlamada bu ölkələrin terrorizmə qarşı həmişə eyni mövqe sərgilədiyini bildirib:
"Əməkdaşlığa davam etməyi qərarı aldıq. Bundan sonra sözügedən ölkələr bölgədə terrorizmə qarşı birgə mübarizə aparacaq. Biz koalisiya qüvvələrinə daxil deyilik".
Konfransın açılışında çıxış edən İran Prezidenti Həsən Ruhani bölgə ölkələrinin əməkdaşlıq etməsinin vacib olduğunu bildirərək İŞİD kimi "İslam əleyhinə olan qrupların" xarici qüvvələrin dəstəyi olmadan məhv edilməsinin mümkün olduğunu deyib.
Daha sonra Ruhani beynəlxalq cəmiyyətə səslənərək terror təşkilatlarına birbaşa və ya dolayı yolla maliyyə dəstəyi verməyi dayandırmağa çağırıb.
Tarix
2014.12.10 / 21:05
|
Müəllif
Şəmsəddin Ənsar
|