Ana səhifə Planet |
Rus rublunun sabitləşməsi üçün Putinin özünü istefaya göndərmək lazımdır.
Axar.az xəbər verir ki, bunu rusiyalı müxalifətçi Boris Nemtsov söyləyib. O, Putinin çıxış yolu kimi Medvedyevi istefaya göndərmək ehtimalının olduğunu deyib:
"İnsanların əksəriyyəti baş verənləri hələ dərk etmir. Putin kanallarında da ancaq nağıl danışırlar. Həqiqət isə ancaq internetdə öz əksini tapıb. Məlumdur ki, Rusiyanın maddi süqutu Putinin axmaq siyasətinin nəticəsidir. Putin siyasətini dəyişmək fikrində deyil. O, son çıxış yolunu axtaracaq. Bunun üçün Putin hətta Baş nazir Dmitri Medvedyevi də istefaya göndərə bilər. Lakin rus rublunun sabitləşməsi üçün Putinin özünü istefaya göndərmək lazımdır. Baxmayaraq ki, Putin hazırda dalana dirənib, o, bütün dünyanın qorxduğu addıma əl atmayacaq, yəni nüvə silahından istifadə etməyəcək. Çünki belə olduğu təqdirdə Putin də məhv olacaq. Amma o, bunu istəmir. Putin öz həyatını Rusiyanın taleyindən üstün tutur".
Tarix
2014.12.17 / 12:42
|
Müəllif
Ülkər Cəfərova
|