ABŞ və koalisiya qüvvələri İraq və Suriyadakı İŞİD hədəflərinə 3 gün ərzində 67 dəfə hava hücumu təşkil edib.

Axar.az Anadolu Agentliyi-nə istinadən xəbər verir ki, dekabrın 15-17-si tarixləri arasında ABŞ ordusuna aid hərbi təyyarələr Suriyada İŞİD yaraqlılarını 6 dəfə havadan vurub. İraqda da ABŞ və koalisiya ölkələrinə aid hərbi təyyarələr eyni tarixlərdə ümumilikdə 61 hava hücumu reallaşdırıb.

Suriyada hücumlar Kobani ətrafında təşkil edilib. 5 hava hücumunda təşkilatın binası və anbarı məhv edilib. Mosul yaxınlığında 8, Təlafər ətrafında 2, Sincar ətrafında 2, Hit, Rəva, Ərbil və Ramazi ətrafında isə bir hücum gerçəkləşib. Bütün bu hücumlarda İŞİD-ın döyüş mövqeləri, düşərgələri, ağır silahları və ləvazimatları hədəf alınıb.

Eyni zamanda, İŞİD yaraqlıları ilə döyüşən peşmərgə və İraq təhlükəsizlik qüvvələrinin əməliyyatlarına dəstək vermək üçün koalisiya qüvvələri tərəfindən 45 hava hücumu təşkil edilib.