Şimali Koreya sərhədində yaşayan və humanitar yardım təşkilatında çalışdığı deyilən ABŞ vətəndaşı Çində həbs olunub.

Axar.az xəbər verir ki, Çin polisi 74 yaşlı Peter Hahnı korrupsiya və fırıldaqçılıqda günahlandırır.
"South China Morning Post" qəzetinin məlumatına görə, Şimali Koreyada doğulan ABŞ vətəndaşı ölkənin şimal-şərqindəki Yanbian şəhərində tutulub.

Hahnın vəkili Zhanq Peihonq müvəkkilinə yönələn ittihamların uydurma olduğunu və bu həbsin Çinin sərhəd bölgələrində çalışan xaricilərə qarşı artan həssaslığın bir göstəricisi olduğunu deyib.

Məsələyə münasibət bildirən ABŞ Dövlət Departamentinin sözçüsü Cen Psaki Çindəki konsulluq nümayəndələrinin Hahnı ziyarət etdiyini bildirib.