NATO-nun keçmiş Baş katibi Anders Foq Rasmussen Yaxın Şərqdə baş verən hadisələrlə bağlı maraqlı açıqlamalar verib.

Axar.az xəbər verir ki, Türkiyənin Qaziantep Universitetində təşkil olunan konfransa qatılan keçmiş baş katib müstəqil Kürdüstanın yaradılmasının əleyhinə olduğunu deyib: "Əsas məqsəd Suriyanın bütövlüyünü qorumaqdır. Suriyada Bosniyadakı kimi sülh yolu ilə bölünmə ola bilər. Bu, ideal variant olmasa da hər şey xalq arasında bölünməlidir. Suriyada etnik, dini və siyasi ayrı-seçkilik Balkanlardan daha dərindir".

Kürdlərə daha çox səlahiyyət verilməsinin tərəfdarı olduğunu deyən Rasmussen problemin həll edilməsində danışıqlar yolunu vacib sayıb:

"PKK tərəfdarlarını silahı buraxaraq Türkiyədə yaşamalarını və "həll müddəti" nə qatılmalarını istəyirəm. Daha çox yerli səlahiyyətlər verərək bu problem çözülə bilər. Müstəqil Kürdüstan deyil, amma yerli gücləri dəstəkləyən bir model ölkə ola bilər".