İran parlamentinin sədri Əli Laricani Oman körfəzində 2 tankerə hücuma görə Tramp administrasiyasının məsuliyyət daşıdığını bildirib.

Axar.az xəbər verir ki, bu barədə Laricani parlamentdə millət vəkilləri qarşısında çıxışı zamanı deyib.

“Oman körfəzində tankerlərə qarşı şübhəli təşəbbüslər iqtisadi sanksiyaların tamamlayıcısıdır”, - Laricani bildirib.

ABŞ tərəfinin II Dünya müharibəsində düşmənçilik yaratmaq üçün Yaponiya yaxınlığında öz gəmilərini hədəf seçdiyini xatırladan Laricani sanksiyalardan nəticə əldə edə bilməyən Vaşinqton administrasiyasının yenidən bənzər addım atdığını qeyd edib.