Sergey Qavrilov insidenti müxalifətin İvanişviliyə müharibə elan etməsi üçün bəhanə oldu.

Axar.az xəbər verir ki, bu iddia ilə rusiyalı ekspert Dmitri Fetisov çıxış edib.

“Böyük ehtimalla İvanişvili ölkə üzərində nəzarətini itirəcək, Gürcüstan isə Avropa ilə yaxınlaşma yoluyla gedəcək.

Ölkədəki iğtişaşlardan Türkiyə istifadə edə bilər. Türkiyə son il aktiv şəkildə Acariyanı ekspansiya edir. Gürcüstan hökumətinin tikilişinə sevindiyi Batumi hava limanı Türkiyə üçün imkanlar pəncərəsi olub. Regionda son illərdə 180 məscid, 60 mədrəsə tikilib. Üstəlik bölgədə islamın aktiv təbliğatı başlanıb, türk turistlərin regiona axını artıb, Acariya gənclərinə Türkiyədə təhsil şəraiti yaradılıb. Ərdoğan ABŞ-la geosiyasi oyun oynamaq qərarı versə, Acariyanın Türkiyəyə anneksiyası planı real olacaq”, - deyə o bildirib.