Honkonqun xüsusi statusunun yüksək səviyyədə saxlanılması ilə bağlı ABŞ Çinə çağırış edib.

Axar.az xəbər verir ki, bu barədə ABŞ Dövlət Departamentinin adı çəkilməyən nümayəndəsi TASS-a açıqlamasında deyib.

“Birləşmiş Ştatlar açıq şəkildə bəyan edir ki, rəsmi Pekin Çin-Britaniya deklarasiyasından irəli gələn öhdəliklərə əməl edərək Honkonqun xüsusi statusunun ən yüksək səviyyədə saxlanılmasını təmin etməlidir”, - deyə rəsmi nümayəndə bildirib.

Eyni zamanda sözügedən şəxs qeyd edib ki, Vaşinqton Çin Silahlı Qüvvələrinin Honkonq ətrafına toplanılması ilə bağlı yayılan məlumatlardan dolayı narahatdır.