Rusiyanın nüvə mühərrikli raketlərin sınağını keçirib, yekunlaşdırması üçün nə pulu, nə də texniki imkanları var.

Axar.az xəbər verir ki, bu iddia ilə “Forin Polisi” qəzeti çıxış edib. Məqalədə Rusiyanın Severodvinsk poliqonunda baş verənlərlə bağlı yayılan məlumatların yalan ola biləcəyi vurğulanıb:

“Moskva bundan öncə Severodvinskdə partlayışın baş verməsiylə bağlı məlumat yayıb. Məlumatda partlayışa səbəb kimi yeni silah sistemlərinin sınağı göstərilib. Ekspertlər "yeni növ silah sistemləri" dedikdə "Burevestnik" raketini nəzərdə tutur. Lakin onlar Moskvanın bu işi sona çatdıracağı və layihəni reallaşdıra biləcəyinə skeptik yanaşırlar. Ekspertlərin iddiasına görə, bütün baş verənlər Vladimir Putinin Rusiyaya dünya arenasında böyüklüyünü yenidən qaytarmaq vədiylə bağlı ola bilər. Yeni nüvə silahına sahib olmaq Rusiyada böyük güc olmaq anlayışının formalaşmasında ciddi rol oynayır”.