Ermənistanın Konstitusiya Məhkəməsinin sabiq prezidenti Robert Köçəryanın həbsi ilə bağlı vəkillərin müraciətinə baxılması üzrə iclası keçirilib.

Axar.az xəbər verir ki, iclas zamanı məhkəmənin binası polis tərəfindən mühasirəyə alınıb.

Köçəryanın vəkili jurnalistlərə bildirib ki, məhkəmə sabiq prezidentin hüquqlarının pozulması faktını təsdiq edib. Lakin Konstitusiya Məhkəməsi onun əleyhinə müvafiq maddələrlə cinayət işinin başlanmasını ölkənin əsas qanununa uyğun olduğu qərarını çıxarıb. Söhbət yalnız sabiq prezidentə qarşı həbs qətimkan tədbirinin seçilməsindən gedir. Belə ki, hakim Qrayr Tovmasyan Köçəryanın həbsdə saxlanılması qərarını şübhə altına alıb.

Sabiq dövlət başçısının vəkili də bəyan edib ki, Köçəryanın həbsini nəzərdə tutan cinayət məcəlləsinin 35-ci maddəsi konstitusiyaya zidd hesab olunub. O əlavə edib ki, bu qərardan sonra birinci instansiya məhkəməsi sabiq prezidentə qarşı həbs qətimkan tədbirini ləğv edə bilər.