Suriya Prezidenti Bəşər Əsədin həyat yoldaşı Əsma Əsəd aylar sonra ictimaiyyət qarşısına çıxıb.

Axar.az xəbər verir ki, bu məlumatı təsdiqləyən fotonu İngiltərənin Deili Meil qəzetinin elektron saytı yayımlayıb. Fotonun İstaqram sosial şəbəkəsindən götürüldüyü qeyd edilib. Fotoda Əsma Əsədin Şamda elmi müsabiqənin gənc qalibləri ilə birlikdə olduğu görünür.

Şəkil Feysbuk və İnstaqram sosial şəbəkələrində #gələcək #ümid #gənclər #gününfotosu həştəqləri ilə paylaşılıb.

İngilis qəzeti yazır ki, Suriya İnsan Haqları Təşkilatının məlumatına görə, bu foto Suriya silahlı qüvvələrinin ölkənin şimalına hava hücumu təşkil edib 39 nəfəri öldürdüyü vaxtda ortaya çıxıb.