Məşhur ABŞ sahibkarı Elon Maska məxsus kosmik pilotlu aparatların hazırlanması ilə məşğul olan "SpeysX" kosmik koorporasiyası "Quql" şirkətindən və "Fideliti"fondundan 1 milyard dollar məbləğində investisiya cəlb edib.

Axar.az xəbər verir ki, "Quql" və "Fideliti" birlikdə korporasiyanın 10 faizinə sahib olacaq. "SpeysX"-in kapitallaşma dəyəri 10 milyard dollar məbləğində qiymətləndirilib. Kosmik koorporasiyanın əvvəlki investorları arasında "Founders Fund", "Draper Fişer Jurvetson", "Valor Equiti Partners" və "Kaprikorn" fondları olub.

"Quql" üçün "SpeysX"-in hazırda internetə qoşulmaq imkanından məhrum olan milyonlarla insanı potensial baxımdan yüksək sürətli internetlə təmin edə biləcək peykləri maraq doğurur.

Xatırladaq ki, "Quql" "Proyekt Lun" (Project Loon) aerostatları ilə internetin paylanması üzrə layihə hazırlayır.

Öz növbəsində, "SpeysX" kosmik nəqliyyat və peyk istehsalı sahəsində innovasiyaların dəstəklənməsinə investisiyalar yönəltməyi planlaşdırır.

Xatırladaq ki, "Falkon" raketlərinin və "Draqon" kosmik yük gəmilərinin istehsalçısı olan "SpeysX" yükləri Beynəlxalq Kosmik Stansiya - NASA ilə imzalanmış saziş əsasında çatdıran ilk kommersiya şirkətidir.