"Ukrayna separatçıları Donetskin cənubundakı Mariupol şəhərini ələ keçirməyə çalışırlar. Bu şəhər həm separatçılar, həm də Moskva üçün strateji əhəmiyyət kəsb edir".

Axar.az xəbər verir ki, bu açıqlama ilə politoloq Elxan Şahinoğlu çıxış edib. O, Rusiyanın Mariupol şəhərini ələ keçirmək istəməsinin arxasında gizli səbəblər olduğunu bildirib:

"Ukrayna separatçıları Donetskin cənubundakı Mariupol şəhərini ələ keçirməyə çalışırlar. Bu şəhər həm separatçılar, həm də Moskva üçün strateji əhəmiyyət kəsb edir. Mariupol əldən getsə, separatçılar və Moskva Krıma quru yolla çıxış əldə edəcəklər. Bundan sonra Moskva üçün dəniz üzərindən Krıma bahalı körpü tikməyə də ehtiyac qalmayacaq. Ona görə də Ukrayna ordusu bu şəhər uğrunda çarpışmaq məcburiyyətindədir".