2019.10.18. 22:38

Livanın paytaxtı Beyrutda polis qüvvələri kütləvi aksiyanı dağıtmaq üçün iştirakçılara gözyaşardıcı qaz tətbiq edib.

Axar.az xəbər verir ki, bu barədə “əl-Mayadin” məlumat yayıb.

Bildirilib ki, hava limanına gedən yolu kəsən və şinlər yandıran etirazçılarla hüquq-mühafizə orqanları arasında toqquşma yaşanıb.

Olay zamanı "Molotov kokteyli" və işıqsaçan qumbaradan istifadə edilib.

“Hökumət qüvvələri gözyaşardıcı qaz və su şırnağı ilə aksiyanı dağıdıb”, - deyə bildirilib.

***

Paytaxt Beyrutda və ölkənin şimalındakı Trablusşamda aksiyalar zaman 11 nəfər yaralanıb.

Etirazlara səbəb kimi iqtisadi vəziyyətin pisləşməsi və rabitə sektoruna yeni vergilərin əlavə edilməsi göstərilir.