Dünyaca məşhur "Forbes" jurnalı 2014-cü ildə bu və ya digər obyektləri icarəyə verməklə ən çox qazananların siyahısını dərc edib. İlk sırada əslən Quba rayonundan olan Zarah İliyev və Qod Nisanovun sahibi olduğu "Kievskaya ploşad" şirkəti gəlir.

Axar.az xəbər verir ki, həmyerlilərimizin icarədən bir ildə qazandığı paranın miqdarı 1,4 milyard dollar təşkil edir. Bu şirkətə daxil olan "Fud Siti" (350 000 kv.m), "Radisson Royal Moscov" və "Yevropeyski"nin (63 000 kv. m) illik icarəsi, habelə əlavə daha 12 min kvadratmetr ərazidən gələn gəlirlə həmyerlilərimiz bu sahədə dünya liderləridir.

Xəbərdə bildirilir ki, bu pulu onlar Moskvanın işgüzar rayonu sayılan Moskva-Sitidə daha bir neçə obyekti almağa sərf edəcəklər.