Hələ SSRİ dövründən Kalininqrad bölgəsinə görə məsuliyyət daşıyırdıq. Bu günə qədər də Rusiyanın bu bölgəsi ilə əlaqələri qoruyuruq.

Axar.az xəbər verir ki, bu sözləri Belarus Prezidenti Aleksandr Lukaşenko deyib.

“Nəyə görə “bizim kalininqradlılar” deyirəm? Keçmişdə Yeltsinlə (keçmiş prezident), indiki prezident Vladimir Putinlə də hər hansı problemi müzakirə edəndə tez-tez deyirəm ki, Kalininqrad bizim vilayətdir, biz buna görə məsuliyyət daşımışıq və daşıyırıq. Putin isə buna qarşı olmadığını deyir”, - deyə Lukaşenko bildirib.

Dövlət başçısı əlavə edib ki, sovet dövründə Kalininqradın Belarusiyaya birləşdirilməsi ilə bağlı xeyli danışıqlar aparılıb:

“Ola bilsin ki, birləşdirilməməsi daha yaxşı olub. Çünki Krımı birləşdirdilər, lakin daha sonra yanlış qərar olduğu üzə çıxdı”.