İçkeriyanın briqada generalı İsa Munayev Ukrayna Təhlükəsizlik Xidməti və Mərkəzi Kəşfiyyat İdarəsinin tapşırığı ilə öldürülüb.

Axar.az xəbər verir ki, bu barədə Çeçenistan Respublikasının başçısı Ramzan Kadırov özünün İnstaqram səhifəsində yazıb.

Onun sözlərinə görə, Munayevin ölümündə Adam Osmayev (Rusiya Prezidenti Vladimir Putinə sui-qəsddə günahlandırılır) və onun xanımı Aminə Okuyeva günahkardır.

"Munayev heç vaxt döyüşçü olmayıb. Heç əsl kişi də olmayıb. Heç əsl kişi, döyüşçü öz komandirini döyüşdə atıb gedərmi? Munayev isə İçkeriyanın prezidenti və baş komandanını ataraq Qroznıdan qaçdı", - Kadırov yazıb.

Çeçenistan başçısı Ukrayna ordusunun tərkibində vuruşan çeçenləri evlərinə qayıtmağa çağırıb: "Bu bizim müharibə deyil. Təcili olaraq evlərinizə qayıdın. Bu sizin sağ qalmağınız üçün bir şansdır".