Qurban Qurbanov Dağıstanın Əmlak Nazirliyinə qarşı irəli sürdüyü iddiaları geri götürüb.

Axar.az xəbər verir ki, bu barədə informasiyanı Dağıstanın Arbitraj Məhkəməsi yayıb.

Hələlik Qurban Qurbanovun niyə belə addım atdığı barədə heç bir məlumat verilməyib.

Qeyd edək ki, Qurban Qurbanov keçən il vəzifəsindən çıxarılmışdı. Bundan sonra həbs olunan rayon rəhbəri daha sonra ev dustaqlığına məhkum edilmişdi. Qurbanovun tutulmasına əsas səbəb kimi Dağıstan Prezidenti Ramazan Abdulatipovla münasibətinin gərginliyi göstərilirdi. Abdulatipov Qurban Qurbanovun qardaşı Maqomed Qurbanovu Dağıstan Respublikasının Azərbaycanda rəsmi nümayəndəsi vəzifəsindən azad etmişdi. Qurban Qurbanovun istefasından sonra isə azərbaycanlı məmurların Dərbənddə sıxışdırılması başlanılmışdı.