Fransanın paytaxtı Parisdə etirazçılarla polis qüvvələrinin qarşıdurması zamanı Anadolu Agentliyinin fotomüxbiri Mustafa Yalçın xəsarət alıb.

Axar.az xəbər verir ki, polis tərəfindən atılan qaz kapsulu müxbirin üzündəki qoruyucu maskanı dələrək onun gözünü yaralayıb və nəticədə qanaxma başlayıb.

Hadisə yerinə gələn həkim briqadası Yalçına ilkin yardımı göstəriblər. Hazırda onun xəstəxanada müalicə aldığı deyilir.

Qeyd edək ki, bu gündən etibarən Paris başda olmaqla, Fransanın iri şəhərlərində fasiləsiz nümayişlər başlayıb.