İŞİD-in Suriyada zəkat toplama işlərinə baxan əmiri Əbu Ubeydə Əl Masri topladığı pulları təşkilatdan oğurlayaraq Türkiyəyə qaçıb.

Axar.az xəbər verir ki, Misir vətəndaşı Əbu Ubeydənin pulları İŞİD-in nəzarətində olan Suriyanın Deyrezzor şəhərində topladığı bildirilir.

Onun Türkiyəyə qaçırdığı məbləğ isə 1 milyon dollar həcmində qiymətləndirilir.

Misirdə nəşr olunan "Əl Masri Əl Youm" qəzetinin xəbərinə görə, İŞİD bu hadisədən sonra misirli döyüşçülərin təşkilata qəbul edilməsinə sərt qadağa qoyub.

Qeyd edək ki, bu, terror təşkilatının daxilində ilk belə oğurluq halı deyil. Daha öncə də azərbaycanlı döyüşçülər İŞİD-ə qoşulmaq adı ilə terrorçuların pullarını oğurlayıb qaçmışdılar.