Floridada hərbi dəniz bazasında baş vermiş atışma terror aktıdır.

Axar.az xəbər verir ki, bu sözləri ABŞ prezidentinin milli təhlükəsizlik üzrə müşaviri Robert Obrayen deyib.

"Düşünürəm ki, bu, terror aktı idi. Araşdırmanı qabaqlamaq istəmirəm, amma görünür ki, kimsə radikallığa köklənmişdi", - o deyib.

Qeyd edək ki, ötən gün Floridadakı hərbi bazada baş verən atışmada qatil də daxil olmaqla, 4 nəfər ölüb, 8 nəfər yaralanıb. Atəş açanın Səudiyyə Ərəbistanının hərbçisi Məhəmməd Səid əş-Şamrani olduğu və bu bazada təlim keçdiyi bildirilir.

Hüquq-mühafizə orqanları araşdırma aparır. Hadisənin terror olub-olmadığı bilinmir. Ancaq hücumdan öncə Şamraninin krallıqdan olan digər həbçilərlə birgə məclis təşkil etdiyi və məclisdə kütləvi ölüm səhnəsi olan atışma videosu göstərildiyi bildirilib. Eyni zamanda Şamraninin hücumu zamanı onun yoldaşı hadisəni videoya çəkib, digər iki Səudiyyə hərbçisi isə onu maşınla izləyib.