Rusiya Prezidenti Vladimir Putinlə Ukrayna Prezidenti Vladimir Zelenski Parisdə qısa olaraq təkbətək söhbət ediblər, ikitərəfli münasibətlərdəki məsələlər müzakirə edilib.

Axar.az xəbər verir ki, bunu jurnalistlərə açıqlamasında Rusiya Prezidentinin mətbuat katibi Dmitri Peskov deyib.

“Həqiqətən onlar təkbətək qalıblar, lakin bu, çox qısa söhbət olub. Ona görə ki, Fransa Prezidenti Emmaneul Makron gəlib və onlar “Normand formatı”nda görüşü davam etdirib”, – deyə o bildirib.

Qeyd edək ki, ötən gün Putinlə Zelenskinin cəmi 15 dəqiqə təkbətək görüşdüyü bildirilmişdi.