Türkiyə "Avroviziya" qərarını açıqlayıb.

Axar.az xəbər verir ki, Avropa Yayım Şurasının üzr istəməsi və TRT kanalının tələblərinin qəbul edilməsindən sonra qurum yarışmada iştirak edəcəyini bildirib.

TRT rəhbərliyi açıqlamasında deyib ki, İtaliya və Rumıniya kimi ölkələrin də məhz bu istiqamətdə narazılıqları var:

"'Sadəcə, səsvermə sistemi deyil, əxlaq məsələləri ilə bağlı da bəzi problemlər var idi. Bununla bağlı narazılığımızı dilə gətirmişdik. Tənqid etdiyimiz məsələlər həllini tapdı".

Xatırladaq ki, 2013-cü ildə səsvermə və püşkatma sistemini tənqid edən TRT kanalı Türkiyənin "Avroviziya" mahnı müsabiqəsində bir daha iştirak etməyəcəyini bəyan etmişdi.