"Fransa Prezidenti Fransua Olland və Almaniya kansleri Angela Merkel ABŞ-ın Ukrayna konfliktinin həlli ilə bağlı "çox riskli plan"ını qəbul etmək istəmirlər".

Axar.az xəbər verir ki, bu iddia ilə Fransanın "Le Nouvel Observatuer" qəzetinin köşə yazarı Vensan Jover çıxış edib.

O, Ollandla Merkelin Donbasın həlli ilə bağlı sülh planını məhz indi müzakirə etmək istədiyini bildirib:

"Fransa və Almaniya ABŞ-ın yaxın zamanlarda Kiyevə silah göndərməyi özündə əks etdirən planını Qərbə sırımağından narahatdır. Paris və Berlin bunu çox riskli olduğuna görə qəbul etmək istəmir. Ona görə də Fransa və Almaniya hər kəsdən əvvəl özlərinin diplomatik həll planını ortaya atırlar".