İki pilotu öldürüləndən sonra İordaniya kralı hərbi formada foto yayımlayıb.

Axar.az xəbər verir ki, İordaniya kralı Abdullah İŞİD-in iordaniyalı pilot Muaz əl-Kəsasibəni yandıraraq öldürməsindən sonra yayılan hərbi formalı geyimi ilə sanki İŞİD-ə meydan oxuyub.

İordaniya Kraliyyət Məhkəməsinin "Feysbuk" səhifəsində paylaşılan şəkildə kral Abdullahın hərbi forma və silah-sursatla olduğu görünür. Foto belə şərhlə paylaşılıb: "İordaniya kralı və İordaniya Silahlı Qüvvələri komandiri Abdullah Muaz əl-Kəsasibənin öldürülməsindən sonra ABŞ səfərini yarıda qoyaraq İordaniyaya geri qayıdıb".

Şəkil "Feysbuk"dan əvvəl kralın "İnstaqram" səhifəsində yayımlanıb.

Xatırladaq ki, İordaniya kralı Abdullah iordaniyalı pilotun öldürülməsindən sonra açıqlama verərək İŞİD-ə çox ağır cavab verəcəklərini bildirmişdi. Kralın açıqlamasınadan sonra İordaniya təyyarələri Suriyadakı İŞİD mövqelərini vurduğunu açıqlamışdı.