"2008-ci ildə Rusiya ilə müharibə zamanı beynəlxalq ictimaiyyət Gürcüstana lazım olan diqqəti ayırmamışdı".

Axar.az xəbər verir ki, bu sözləri Münhen Təhlükəsizlik Konfransında çıxışı zamanı Gürcüstanın Baş naziri İrakli Qaribaşvili söyləyib.

O, dünyanın hazırda Gürcüstan problemini unutduğunu bildirib:

"Əgər 2008-ci ildə dünya Gürcüstan konfliktinə lazımi diqqəti ayırsaydı, indi Ukrayna olmazdı".

Qeyd edək ki, 2008-ci ilin avqustunda Rusiya Gürcüstanın Cənubi Osetiya bölgəsindəki separatçılara dəstək verərək ölkə ərazisinə öz qoşunlarını göndərmişdi. Tiflislə aparılan qısa müddətli müharibədən sonra Rusiya Cənubi Osetiyanın və Abxaziyanın müstəqilliyini tanımışdı.