Misirdə sirkdə qorxulu anlar yaşanıb. Belə ki, şir qadın təlimçinin üstünə hücum çəkərək tamaşaçıları qorxudub.

Publika.az xarici mətbuata istinadən xəbər verir ki, şir təlimçisi Faten Əl-Helin həyat yoldaşı da 10 il bundan qabaq vəhşi heyvan tərəfindən qətlə yetirilib. Bu dəfə onun özü ərinin çıxışını davam etdirərək şirlərin olduğu qəfəsə daxil olub. Sirkdə tamaşaya gələn izləyiciləri salamlayan zaman, şirlərdən biri stuldan qəfil sıçrayaraq onun üstünə atılıb.

Şir qadını yerə yıxaraq çiynindən dişləyib və bu hadisə tamaşaçılarda həyəcan yaşadıb.

Hadisə Misirin Tanta şəhərində baş verib. Video "YouTube" internet televiziyasına yükləndiyi andan 3 gün ərzində 50 min dəfə baxılıb.

Qadın təlimçi baş yaralarından təcili xəstəxanaya çatdırılıb. Hazırda onun vəziyyəti normal olaraq qalır.