Ana səhifə Planet |
Moskvanın Presnen rayon məhkəməsi Edik Tbilisski və Edik Osetrina kimi tanınan erməni kriminal avtoritet Edik Asatryan barəsində həbs qərarı verib.
Axar.az xəbər verir ki, 46 yaşlı qanuni oğru külli miqdarda qanunsuz narkotik saxlamaqda təqsirli bilinib.
O 3 il müddətinə azadlıqdan məhrum olunub.
Xatırladaq ki, Edik Tbilisski 2014-cü ilin avqustunda da qanunsuz narkotik saxladığı üçün həbs edilib.
Qeyd edək ki, Edik Asatryan 2013-cü ildə öldürülən Ded Xasana qarşı yaradılmış koalisiyanın liderlərindən biri olub. Ded Xasanın öldürülməsindən sonra vəzifə bölgüsünə əsasən, Rusiya kriminal aləminə Eduard Asatryanın liderlik edəcəyi barədə "Pristupnaya Rossiya" saytı məlumat yayıb. Onun təkcə Rusiyada yox, başqa ölkələrdə də kriminal klanları idarə etdiyi bildirilir.
Tarix
2015.02.11 / 10:51
|
Müəllif
İlham Sahiloğlu
|