Parlamentli monarxiya ilə idarə olunan İspaniyada kral VI Filip maaşını azaldıb.

Axar.az xəbər verir ki, Krallıq Sarayının rəsmi internet saytında verilən açıqlamada kral VI Filipin maaşının ötən illə müqayisədə 20% azaldığı və illik 234 min 204 avro alacağı bildirilib.

Kral VI Filipin həyat yoldaşı kraliça Letizianın 128 min 808 avro, "kral" ünvanını qoruyan atası Xuan Karlosun 187 min 356 avro, anası kraliça Sofiyanın da 105 min 396 avro maaş alacağı qeyd edilib.

Krallıq sözçüsü bildirib ki, kral VI Filip İspaniyadakı yüksək qurumların nümayəndələri və digər ölkələrdəki dövlət başçılarının aldığı maaşları gözdən keçirərək öz maaşını azaltma qərarı verib.

Qeyd edək ki, iqtisadi böhranla mübarizə aparan İspaniyada ilk dəfə 2009-cu ildə o vaxtkı kral Xuan Karlos və digər Kralitet üzvlərinin maaşları dondurulub və son illərdə Krallığın büdcələrində də azalma müşahidə olunub.

Xatırladaq ki, kral VI Filipin bacısı şahzadə Kristina və həyat yoldaşı Palma şahzadəsi Urdanqarin haqqındakı rüşvətxorluq iddialarına görə Kral ailəsinin korlanan imicini düzəltmək üçün xüsusi səy göstərdiyi məlumdur.