Ukrayna prezidenti Viktor Yanuoviç Kiyevə səfər edən amerikalı senatorlar Con Makkeyn və Kris Mörreylə görüşüb.

Görüş elə Makkeynlə Mörreyin 200-minlik müxalifət aksiyasına dəstək verdiyi gün baş tutub. Amerikalı senatorlar prezident Yanukoviçi etirazçılara güc tətbiq edilməsinin davam edəcəyi təqdirdə, Ukrayna hökumətinə qarşı sanksiyaların tətbiq ediləcəyini bildiriblər.

200 minə yaxın avro-inteqrasiya tərəfdarı Kiyevin Azadlıq meydanına toplaşıb. Həbsdə olan sabiq baş nazir Timoşenkonun çağırışı ilə keçən kütləvi nümayişə toplaşanlar Azadlıq meydanında çadır düşərgələri qurublar. nümayişdə Udar partiyasının lideri Vitaku Kliçko növbəti dəfə Yanukoviç hökümətini istefaya çağırıb.

"Biz hökümət tərkibinin mütləq şəkildə dəyişilməsini tələb edirik. Biz burada Maydanda yalnız dinc şəkildə nümayiş keçiririk. Tezliklə təkrar parlament və prezident seçkilərinə nail olacağıq".

Nümayişə qatılan, sabiq baş nazir Yuliya Timoşenkonun qızı Yevgeniya anasının ismarıclarını kütlə ilə bölüşərək, onun Ukraynanı Avropasız, Avropanı Ukraynasız təsəvvürə gətirə bilmədiyini vurğulayıb. Müxalifətin keçirdiyi aksiyada eyni zamanda Avropa Parlamentinin Xarici İşlər Komitəsinin sədri Elmar Brok da iştirak edib.

Kiyevdə səfərdə olan Müsavat Partiyasının başqanı İsa Qəmbər də ötən gün Maydanda, tribunada çıxış edib. O, deyib ki, bu gün Ukraynada yalnız Ukrayna xalqının deyil, digər post-sovet ölkələri xalqlarının da taleləri həll olunur o cümlədən də rus xalqının.

Xatırladaq ki, artıq 4 həftədir ki, Ukraynada etirazlar davam edir. (ANS)