ABŞ Dövlət Departamentinin rəsmisi Cen Psaki Donetsk vilayətinin Debaltsevo şəhərində separatçıların deyil, rus qoşunlarının döyüşdüyünü bildirib.

Axar.az xəbər verir ki, bunu "Amerikanın səsi"nin jurnalisti Miroslav Qonqadze özünün Feysbuk səhifəsində yazıb.

"Psaki dedi ki, ABŞ Debaltsevo ətrafında əsl rus hərbçilərinin döyüşdüyünü qeydə alıb. Rus jurnalist bununla bağlı fakt olmadığını desə də, Psaki ona eynək taxmağı məsləhət görüb, necə ki, bunu bir dəfə Baş nazir Yaçenyuk etmişdi", - Qonqadze bildirib.

Qeyd edək ki, ötən həftə ABŞ Dövlət katibi Con Kerri ilə keçirilən brifinq zamanı Baş nazir Arseni Yaçenyuk rus qoşunlarının Ukraynada olduğunu daha yaxşı görməsi üçün öz eynəyini rus jurnalistə vermişdi.