Ukrayna Hava Yollarına aid təyyarə Tehran yaxınlığına yerləşdirilən yeni havadan müdafiə qüvvələri ilə koordinasiyanın olmaması nəticəsində vurulub.

Axar.az xəbər verir ki, bu sözləri iranlı deputat Əbu əl-Fadl Musəvi deyib.

“Təyyarə havaya qalxmadan öncə havadan müdafiə qüvvələrinə bir və ya bir neçə dəfə məlumat verildi. Lakin o gecə İmam Xomeyni Beynəlxalq Hava Limanının yaxınlığında quraşdırılan havadan müdafiə qüvvələri ilə tam koordinasiya yox idi və xəta səbəbindən hadisə baş verdi”, - deyə deputat bildirib.

Xatırladaq ki, İran İslam İnqilabı Keşikçiləri Korpusu Ukraynaya aid sərnişin təyyarəsini səhvən vurduqlarını etiraf edib.