Danimarkanın paytaxtında "Şarli Hebdo" karikatura jurnalına qarşı törədilmiş terror aktı ilə bağlı təşkil edilən konfransa da silahlı basqın olub.

Axar.az-ın Türkiyə mediasına istinadən yaydığı məlumata görə, 3 maskalı şəxsin "Kalaşnikov" silahları ilə konfransa etdiyi hücum nəticəsində 3 nəfər yaralanıb.

Konfrans iştirakçılarının əkəriyyəti jurnalist və yazıçılardır. Yaralanlar arasında 2 jurnalistlə bərabər bir polis əməkdaşı da olub.

Bölgə polisi terror həyəcan siqnalı ilə bölgədə axtarışa başlayıb.

Polis konfrans iştirakçılarının arasında peyğəmbərlərlə bağlı məlum karikaturaları çəkən Lars Vilksin də olmasına diqqət çəkib.