Qondarma Donetsk Xalq Respublikası rəhbəri Aleksandr Zaxarçenko Ukrayna hökumətinə xəbərdarlıq edib.

Axar.az xəbər verir ki, Zaxarçenko Xarkov və Mariupolu işğal etməklə Ukraynanı hədələyib.

Zaxarçenko Minsk razılaşmasına qarşı tərəfin riayət etməyəcəyi təqdirdə lazımi addımların atılacağını vurğulayıb:

"Əgər Kiyev hakimiyyəti Minsk sazişinə əməl etməsə, sərhədlərimizdən öz texnikasını geri çəkməsə, əsirlərimizi azad etməsə və şəhərlərimizi bombalamağa davam etsə, belə durumda biz də yerimizdə saymayacağıq. Biz Mariupolu qaytaracağıq, Xarkovu ələ keçirməyə çalışacağıq".