İsrailin Baş naziri Benyamin Netanyahu Yaxın Şərqin dağıdıldığını, ölkələrin çökdüyünü etiraf edib.

Axar.az xəbər verir ki, Silahlı Qüvvələrin yeni Baş Qərargah rəisinin rəsmi təqdimetmə mərasimində danışan baş nazir bütün hadisələrin arxasında İranın olduğunu deyib:

"Yaxın Şərq dağılır, dövlətlər çökür. Bu boşluğu isə bir imperatorluq doldurur. O da İrandır".

Daha sonra Netanyahu qarşıda çətin 4 ilin olduğunu bildirib.

Bildirək ki, bu gün and içərək işə başlayan Qadi Eysenkot İsrailin 21-ci Baş Qərargah rəsidir və 4 il bu vəzifəni icra edəcək.

Eysenkotun rütbəsini təqdim edən Netanyahu onu belə təbrik edib:

"Qadi, sənə açıq xəbərdarlıq edirəm. Sakit bir günün belə olmayacaq".