Rusiya əsgərlərindən bir qrupu Ukraynaya savaşmağa getməkdən imtina edib.

Axar.az xəbər verir ki, Donetskə təyinat alan komandirlərin əsgərləri savaşmağa razı salmağa çalışmaları ilə bağlı səs yazısı yayılıb. Bu barədə məlumatı Sergey Krivenko verib.

Əsgərlərin həyat yoldaşları da əmrə qarşı çıxırlar. Hətta onların əsgərləri ordunu tərk etməyə məcbur etmələri də üzə çıxıb.

Qeyd edilir ki, Murmanskda sahilboyu ərazini müdafiə edən əsgərlər də aldadılır. Guya 68 əsgər Rostova təhsil almağa getməli idi. Heç bir təlim keçməyən əsgərlərin birbaşa Donetskə savaşa göndərildiyi bildirilir.
Yayda isə əsgərlərin Putin tərəfindən ezamiyyət adı ilə savaşa göndərildikləri də üzə çıxıb.