Ana səhifə Planet |
2020.01.27 - 20:24
Qazaxıstan koronavirus təhlükəsi ilə əlaqədar “Xorqos” sərhəd-keçid məntəqəsinin işini fevralın 15-dək dayandırıb.
Axar.az xəbər verir ki, Qazaxıstan Prezidentinin Çinlə həmsərhəd ərazilərdə təhlükəsizlik tədbirlərinin gücləndirilməsi barədə tapşırığından sonra Almatı vilayətinin səlahiyyətliləri gömrük postlarında yoxlamalar aparıblar.
Yoxlamaların nəticələrinə əsasən sərhəd nəzarətini gücləndirmək barədə tövsiyələr verilib.
***
Koronavirus təhlükəsi ilə əlaqədar Tacikistanın “Somon Eyr” aviasiya şirkəti Çinə, Çinin “South China Airlines” şirkəti isə Tacikistana reysləri dayandırıb.
Tacikistanın Səhiyyə və Sosial Təminat Nazirliyinin mətbuat katibi Bibixanım Dervişzadə jurnalistlərə bildirib ki, ölkənin hava limanlarında və sərhəd-keçid məntəqələrində virus təhlükəsini aşkar edən lazımi tibbi avadanlıqla təchiz olunmuş sanitar-karantin bölmələri yaradılıb.
Səhiyyə və Sosial Təminat Nazirliyi rəsmi olaraq Xarici İşlər Nazirliyinə və Turizmin İnkişafı Komitəsinə müraciət edib ki, koronavirus təhlükəsi ilə bağlı Çin Xalq Respublikasına işgüzar və turist səfərlərini tam və ya qismən dayandırsınlar.
Tarix
2020.01.28 / 00:11
|
Müəllif
Axar.az
|