Böyük Yeddilik dövlətləri Çində tüğyan edən koronavirusla bağlı müzakirələr aparacaq.

Axar.az xəbər verir ki, bu barədə Almaniya Səhiyyə naziri Yens Şpan deyib.

“Dünən amerikalı həmkarımla telefon söhbəti apardım ki, situasiya ilə bağlı ümumi qiymətləndirməyə gələk. Biz Böyük Yeddilik dövlətlərinin səhiyyə nazirlərinin zəruri şəkildə telekonfrans keçirməsi ilə bağlı razılığa gəldik. Ölkələr təkbaşına tədbirlər alaraq heç nəyə nail olmayacaq. Xüsusilə, Avropada...” - deyə nazir bildirib.

Qeyd edək ki, son məlumatda koronavirusdan ölənlərin sayının 304-ə çatdığı bildirilib.