Türkiyə Prezidenti Rəcəb Tayyib Ərdoğan və rusiyalı həmkarı Vladimir Putin arasında telefon danışığı baş tutub.

Axar.az xəbər verir ki, liderlər İdlibdəki son prosesləri müzakirə ediblər.

Ərdoğan telefon söhbəti zamanı İdlibdə münaqişənin qarşısının alınması məqsədilə bölgəyə göndərilən Türkiyə əsgərlərinə Əsəd rejimi tərəfindən hücum təşkil edilməsinin sülh səylərinə zərbə vurduğunu qarşı tərəfə çatdırıb.

Türk lider ölkəsinin bu hücumlara qarşı suveren müdafiə haqqından ən sərt şəkildə istifadə edəcəyini bildirib.

Söhbət zamanı Suriya və Liviya ilə yanaşı, ikitərəfli əlaqələr də müzakirə edilib.