Ermənistan hakimiyyəti mobil telefonla Nikol Paşinyan və onun hökumət üzvlərinə qarşı çıxanları tapmaq üçün xüsusi bir qrup yaradıb.

Axar.az xəbər verir ki, bu barədə “168.am” saytı Ermənistan Milli Təhlükəsizlik Xidmətindəki mənbələrə istinadla məlumat yayıb.

Xüsusi qrup siyasətçilərin, ictimai xadimlərin, iş adamlarının və jurnalistlərin telefonlarına giriş əldə edə biləcəklər.

“KQB-dəki mənbəmiz ciddi şəkildə xəbərdarlıq edib ki, telefonlarımızı heç bir yerdə masaya qoymayaq. KQB tanımadığı bir nömrədən gələn zəng vasitəsilə telefonunuza daxil ola bilər.

Mənbə məsləhət görüb ki, restoranlarda olarkən salfet qutularını yığışdırsınlar və mobil telefonların enerji yığması üçün başqasından adapter istəməsinlər”, - xəbərdə qeyd edilib.