Suriya probleminin həlli istiqamətində Rusiya, Türkiyə, Almaniya və Fransanın iştirakı ilə İstanbulda keçiriləcək zirvə toplantısını dəstəkləyirəm.

Axar.az xəbər verir ki, bunu Rusiya Xarici İşlər nazirinin müavini Aleksandr Qruşko martın 5-də keçiriləcək İstanbul sammiti barədə danışarkən deyib.

“Əlbəttə ki, irəliləmək üçün ümid verəndə və doğru istiqamətdə inkişaf edən proseslər müsbət dəyərləndiriləndə, ölkə liderlərinin qatıldığı iclaslar da daxil olmaqla, bütün beynəlxalq görüşləri hər zaman dəstəkləyirik. Bu səbəblə İstanbul sammitinə münasibətimiz də bu formada olacaq”, - XİN rəsmisi bildirib.