Van Qoqun sevgilisi Janna Kalmon dünya rekorduna imza atıb.

Dünyaca məşhur rəssam Van Qoqun sevgilisi Janna Kalmon planetin ən uzunömürlü qadını hesab edilir.

Axar.az Fransa mətbuatına istinadla bildirir ki, əslən Fransanın Orli şəhərindən olan və Van Qoqla uzun illər sevgi yaşayan madam Kalmon bu yaxınlarda 122 yaşını qeyd edərək dünyanın ən uzunömürlü qadını adını qazanıb.

Janna Kalmon özü və Van Qoq haqqında bunları söyləyib:

"Eyfel qülləsi tikiləndə mənim 14 yaşım var idi. O zaman mən Van Qoqla görüşürdüm. O, həmişə çirkli və nimdaş geyimdə olurdı. Ancaq dahiliyinə söz ola bilməzdi. Van Qoq ilahi qüvvəyə malik rəssam idi".

1988-ci ildə rəssamın 100 illiyinə həsr edilən gecədə madam Kalmon həyatı boyu yalnız bu dahi insanı sevdiyini açıq şəkildə bəyan etmişdi.

Öz uzunömürlülüyü ilə bağlı isə xanım Kalmon bunları qeyd edib:

"85 yaşıma qədər qılıncoynatma ilə peşəkar səviyyədə məşğul olmuşam, 100 yaşıma qədər isə velosiped sürmüşəm".

114 yaşında filmə çəkilən madam Janna çəkiliş zamanı zədə alaraq 115 yaşında bel fəqərəsindən əməliyyat olunub və 117 yaşında "58 illik dostu" olan siqareti tərgitdiyini bildirib:

"Allah sanki məni unudub. Amma artıq yaşamaqdan bezmişəm. Bütün yaşıdlarım, dostlarım çoxdan dünyamızı tərk ediblər. Ən böyük arzum onların yanına getməkdir".