"Ukrayna hökuməti ağır böhran şəraitində islahatların keçirilməsi üçün məsuliyyət altına girmək istəmir".

Axar.az xəbər verir ki, bunu rusiyalı müxalifətçi Boris Nemtsov söyləyib.

O, Ukrayna əhalisinin təşvişə düşdüyünü bildirib:

"Ukraynada qrivnanın çökməsi səbəbindən qida çaxnaşması başlayıb. Ukraynalıların qrivnanın daha da çökəcəyini ehtimal edərək mağazalardan bütün ərzağı süpürüb daşıyırlar. Hazırda 1 dollara 30 qrivna verirlər. Bir ay bundan öncə dollar 16-17 qrivna, bir il bundan qabaq isə 8 qrivna edirdi. Təbii ki, müharibə Ukraynanın iqtisadiyyatına ciddi təsir göstərir. Lakin məsələ ancaq müharibədə deyil, Ukrayna hökuməti ölkə üçün vacib olan islahatlar həyata keçirmir".