İsrailin Qəzza zolağına təşkil etdiyi son hücumlarda 298 hərbçi mənəvi sarsıntı keçirib.

Axar.az bildirir ki, Kanal-2 televiziyasının verdiyi məlumata görə, hücumlardan sonra əsgərlərdə fiziki və psixoloji narahatlıqlar yaranıb.

Məlumatda o da bildirilir ki, əsgərlər tərəfindən Müdafiə Nazirliyinə "təzminat ödənməsi" tələbi ilə 503 ərizə göndərilib.

Mövzuyla bağlı İsrail rəsmiləri açıqlama verməyib.

Xatırladaq ki, İsrailin illərdir mühasirəyə aldığı Qəzzaya 7 iyul 2014-cü ildə başlatdığı və 51 gün davam edən hücumlarında 2 mindən çox fələstinli həyatını itirmiş, minlərlə bina yerlə yeksan olmuşdu. İsrail tərəfində isə 66 əsgər, 71 mülki vətəndaş ölüb.